Քաղցրացրեք ձեր օրը այս բաղադրատոմսով

 

Գյումրին ոչ միայն իր ճաշատեսկներով է հայտնի, այլ նաև քաղցրավենիքներով։ Գրեթե բոլորը սիրում են քաղցր և անուշաբույր աղանդեր։ Այդ պատճառով որոշեցի այսօր խոսել Գյումրու ավանդական քաղցրավենիքներից մեկի՝ շաքար-լոխումի մասին։

                                                                       լուսանկարը՝ domashnyaya-kulinariya

Այն պատրաստվելու համար հարկավոր է վերցնել կարագ և հարել 10-15 րոպե ավելացնելով շաքարի փոշի։ Ընթացքում ավելացնել նաև կաթը, սոդան և զաֆրան հարել 10 րոպե։Քիչ-քիչ ալյուր ավելացնել։ Այս զանգվածը երկար հունցելուց հետո պետք է ստացվի համասեռ խմոր։ Հունցելուց հետո կտրատել տալով որոշակի տեսք։ Այն շարել յուղով պատված տապակի մեջ։ 10-20 րոպե եփել նախապես տաքացված ջեռոցում 180 աստիճանում։ Ջեռոցից հանելուց հետո վրան լցնել շաքարի փոշի։

Բաղադրիչների քանակը՝

Ալյուր – 500 գ

Սոդա – 1/4 թ/գ

Շաքարի փոշի – 3/4 բաժակ

Կաթ – 3/4 բաժակ

Զաֆրան – 1/4 թ/գ

Կարագ – 6-8 ճ/գ

Բուսայուղ՝ տապակի համար

Շաքարի փոշի՝ վրան շաղ տալու համար – 1 ճ/գ

  Հեղինակ` Մարիետա Սիմոնյան